*जागतिक साहित्य कला व्यक्तित्व विकास मंचचे सन्मा सदस्य कवी अरुण वी देशपांडे लिखित अप्रतिम काव्यरचना*

।। गण गण गणात बोते ।। जय गजानन श्री गजानन ।।

__________________________

श्री गजानन विजय काव्यांजली काव्यपुष्प – ८४ वे

अध्याय -१४ वा , कविता – ६ वी

___________________________

पाण्यात नाव बुडू लागली । काठावरची लोक म्हणाली ।

माणसे या नावेतली । आता काही वाचत नाही ।। १।।

स्वामी शिष्यांना म्हणती । धीर धरा तुमच्या चित्ती ।

सोडा मनाची भीती । करील रक्षण तुमचे माय नर्मदा ।।२।।

बोलले स्वामी,तसेच झाले । नर्मदेने नावेस कर लाविले ।

छिद्र नावेचे बुजले । आली वरती नाव पुन्हा ।। ३ ।।

शिष्य विचारी स्वामींना ।कोण होती स्त्री,आम्हा सांगाना ।

स्वामी सांगती त्यांना । अरे होती प्रत्यक्ष नर्मदा ।। ४ ।।

यात्रेवरून सारे परतले । शेगावी आले । हकीकत सांगू लागले । संकटी रक्षिले स्वामी गजाननांनी ।। ५ ।।

माधवनाथाचे शिष्य भले । सदाशिव उर्फ तात्या शेगावी आले । मठात दर्शना गेले । श्री गजानन स्वामींच्या ।। ६ ।।

बंधूची पोरे आले । भेटीने गजानन आनंदले । तात्यास म्हणाले । गुरूंना तुमच्या, द्या राहिलेला विडा तुम्ही ।।७। ।

तात्यांनी तसेच केले । आपल्या गुरूंना विडा देत विचारले ।

तुम्ही गजानना कधी भेटले । सांगावे आम्हाला ।। ८ । ।

माधवनाथ म्हणे- किमया योगाची असे । स्मरण हीच भेट असे । स्वामींना हे सहज शक्य असे । थोर योगीराज स्वामी गजानन हो ।। ९ ।।

*********

अध्याय- १४ वा श्री गजानन चरणी अर्पणमस्तू ।।

********

अध्याय -१५ वा, क्रमशः करी लेखन कवी अरुणदास

___________________________

कवी अरुणदास- अरुण वि.देशपांडे- पुणे.

__________________________