राहुल गौरव रॅलीचे उद्या आयोजन

मालवण

कृ .सी. देसाई शिक्षण मंडळ संचलित, स . का. सिंधुदुर्ग महाविद्यालयाच्या , एनसीसी विभागाचा सीनियर अंडर ऑफिसर राहुल चव्हाण हा महाराष्ट्राचे प्रतिनिधित्व करत 26 जानेवारी 2025 रोजी प्रजासत्ताक दिनाच्या दिल्ली येथील संचालनामध्ये आणि फ्लॅग एरियामध्ये राष्ट्रीय पातळीवर सहभागी झाला . तसेच फ्लॅग एरियामध्ये राष्ट्रीय पातळीवर महाराष्ट्राला तिसऱ्या स्थानावर रँकिंग प्राप्त करून देण्यासाठी महत्त्वाची भूमिका बजावली . ही संपूर्ण महाराष्ट्रासाठी, आपल्या सिंधुदुर्ग जिल्ह्यासाठी आणि मालवण तालुक्यासाठी खासकरून मालवणवासीयांसाठी अत्यंत अभिमानास्पद बाब आहे. मालवणवासियांसाठी हा सन्मान इतिहासामध्ये प्रथमच प्राप्त झालेला आहे. गेल्या सहा महिन्याच्या अथक परिश्रमानंतर राहुलचे प्रथमच दिल्लीहून मालवणमध्ये आगमन होत आहे, तरी या निमित्ताने उद्या दिनांक 7 फेब्रुवारी 2025 रोजी राहुलच्या सन्मानार्थ गौरव रॅली आयोजित करण्यात आलेली आहे ही गौरव रॅली उद्या 7 तारखेला सकाळी ठीक 08 वाजता कुंभारमाठ या ठिकाणी छत्रपती शिवाजी महाराज यांच्या पुतळ्याला वंदन करून सुरु होईल .त्यानंतर देऊळवाडा, भरड नाका, बाजारपेठ, फोवकांडा पिंपळ, कन्या शाळा मार्गे स.का. पाटील सिंधुदुर्ग महाविद्यालयामध्ये समाप्त होईल.
महाविद्यालयात पोहोचल्यानंतर कॉलेजच्या सभागृहामध्ये कृ. सी. देसाई शिक्षण मंडळ, संस्था पदाधिकारी यांच्या हस्ते तसेच मालवण मधील विविध सामाजिक संस्था, विविध पदाधिकारी व मान्यवर यांच्या हस्ते एनसीसी सिनिअर अंडर ऑफिसर राहुल चव्हाण याचा सत्कार समारंभ होईल.
तरी राहुल गौरव रॅलीत तमाम मालवणवासीयांनी टू व्हीलर, फोर व्हीलर,रिक्षा, सायकली घेऊन मोठ्या संख्येने सहभाग घ्यावा आणि कार्यक्रमाची शोभा वाढवावी तसेच राहुलच्या सत्कार समारंभास उपस्थित रहावे. ही आग्रहाची विनंती कृ. सी .देसाई शिक्षण प्रसारक मंडळ अध्यक्ष किरण ठाकूर, कार्याध्यक्ष बाळासाहेब पंत वालावलकर सेक्रेटरी गणेश कुशे , सर्व संस्था पदाधिकारी यांनी केली आहे.