एमपीएससी पूर्वपरीक्षा उद्या*

सिंधुदुर्गनगरी

महाराष्ट्र लोकसेवा आयोगामार्फत महाराष्ट्र गट ब (अराजपत्रित) सेवा संयुक्त पूर्वपरीक्षा २०२४ रविवार २ फेब्रुवारीला सकाळी ११ ते १२ या वेळेत जिल्ह्यातील कणकवली तालुक्यातील विद्यामंदिर माध्यमिक प्रशाला, कणकवली आणि कणकवली कॉलेज, कणकवली या दोन उपकेंद्रांवर घेण्यात येणार असल्याची माहिती निवासी उपजिल्हाधिकारी मच्छिंद्र सुकटे यांनी दिली.

या परीक्षेसाठी एकूण ७८९ उमेदवार बसणार आहेत. परीक्षेची बैठक व्यवस्था विद्यामंदिर माध्यमिक प्रशाला कणकवली येथे बैठक क्रमांक केडी ००१००१ ते केडी ००१४०८ आणि कणकवली कॉलेज, कणकवली येथे बैठक क्रमांक केडी ००२००१ ते केडी ००२३८१ अशी आहे.

आयोगामार्फत आयोजित परीक्षांमध्ये कॉपीचा गैरप्रकाराचा प्रयत्न करणाऱ्या घटनांची आयोगाकडून गंभीर दखल घेण्यात येईल. अशा प्रकरणी आयोगाकडून संबंधितांवर फौजदारी व प्रशासकीय अशा दोन्ही स्वरुपाची कारवाई करण्यात येणार आहे.

परीक्षा उपकेंद्रांवर उमेदवारांची आयोगाकडून नियुक्त करण्यात आलेल्या सेवा पुरवठादार संस्थेच्या कर्मचाऱ्यांकडून तपासणी करण्यात येणार आहे. आयोगाकडून परीक्षेच्या पर्यवेक्षणासाठी विशेष निरीक्षक, भरारी पथकाची नियुक्त करण्यात आली आहे. जिल्हाधिकारी स्वतः पर्यवेक्षणावर लक्ष ठेवणार आहेत.