बांदा-शेर्ले नदीवरील रस्त्यासाठी उभारण्यात येणारे ग्रामस्थांचे उपोषण स्थगित…

सावंतवाडी

बांदा- शेर्ले तेरेखोल नदीवर जीवन प्राधिकरण खात्याच्या माध्यमातून उभारण्यात आलेल्या पुलाला जोडणाऱ्या रस्त्याचे डांबरीकरण करण्यासाठी प्रजासत्ताक दिनी उपोषण करण्याचा इशारा ग्रामस्थांनी दिला होता. मात्र रस्त्याच्या डांबरीकरणाचे काम सुरू करण्यात आले असल्याने हे उपोषण स्थगित करण्यात आल्याची माहिती ग्रामस्थ पप्पू खोबरेकर व राजेश चव्हाण दिली.

याबाबत अधिक माहिती अशी की, बांदा-शेर्ले या गावांना जोडणाऱ्या तेरेखोल नदीवर पूल व्हावा अशी अनेक वर्षाची मागणी होती. मात्र जीवन प्राधिकरण यांच्या माध्यमातून ही मागणी पूर्ण करण्यात आली आहे. त्यानुसार नुकतीच ग्रामस्थ मोहन जाधव यांनी जीवन प्राधिकरण चे शाखा अभियंता योगेश नंगाप्पा आय एस पी कंपनीचे अमेय शंभू शेठ यांची भेट घेऊन याकडे लक्ष वेधले होते. त्यानुसार कंत्राटर कंपनीने या डांबरीकरणाच्या कामाला सुरुवात केली आहे. त्यामुळे नियोजित उपोषण स्थगित करण्यात आले आहे.