*जागतिक साहित्य कला व्यक्तित्व विकास मंचच्या सन्मा सदस्या ज्येष्ठ लेखिका कवयित्री भारती वाघमारे लिखित अप्रतिम काव्यरचना*

*वर्षा अखेरचा दिवस*

बघता बघता 2024 साल सरून गेले.

सुखदुःखाच्या हिंदोळ्यात आठवणीने भरून गेले.

चांगल्या आठवणी देऊन गेले.

वाईट आठवणी घेऊन गेले .

जुन्या आठवणींचा उजाळा मात्र देऊन गेले.

जाता जाता खूप काही शिकवून गेले.

लांब जाण्यासाठी चार पावले मागे चालवतं .

पुन्हा उगवण्यासाठी सूर्याला सुद्धा मावळावं लागतं .

सरून गेलेले वर्षे खूप काही शिकवून गेले .

आपले कोण परके कोण आरशासारखे दाखवून गेले.

कोणत्याही परिस्थितीत जगायचं कसं शिकून गेलं .

जगता जगता लढायचं कसं हे मनाला मात्र सांगून गेलं.

चुकले असेल काही मोठ्या मनाने माफ करावे .

चांगले ते वाटून घ्यावे वाईट सारे सोडून द्यावे.

सुखदुःखाच्या काळात तुमची मोलाची साथ मिळाली याबद्दल तुमचे खूप खूप आभार .

प्रेम सहकार्य लाभो आम्हाला एवढीच अपेक्षा आमची. आपुलकीची जपू नाती आमची आणि तुमची.

सौ भारती वाघमारे

मंचर