*जागतिक साहित्य कला व्यक्तित्व विकास मंचच्या सन्मा सदस्या ज्येष्ठ लेखिका कवयित्री अरुणा दुद्दलवार लिखित अप्रतिम काव्यरचना*

*रोज काय लिहायचं?*

प्रश्नच नसतो

रोज काय लिहायचं

गाठोडं अनुभवांचं

भरलेलं….

घटना प्रसंग

विविध घडत असतात

कल्पना सुचतात

कितीतरी…..

सुखाचे क्षण

आयुष्यातील लिहिते स्मरून

दु:ख खोडून

टाकते….

मळा शब्दांचा

सतत बहरला असतो

प्रश्न नुरतो

लिहिण्यास

साधेसे शब्द

भावुकतेची त्याला किनार

ओळी अलवार

सुचतात….

मन आनंदी

रोज लिहिते काही

शब्दांची ग्वाही

लिहिण्यास…..!!

०००००००००००००००

अरुणा दुद्दलवार @✍️