*जागतिक साहित्य कला व्यक्तित्व विकास मंचचे सन्मा सदस्य ज्येष्ठ लेखक कवी अरुण वी देशपांडे लिखित अप्रतिम काव्यरचना*

।।श्री राम जय राम जय जय राम ।। जय श्री राम ।।

___________________________

श्रीगोंदवलेकर महाराज काव्यचरितावली काव्यपुष्प-१०९ वे

___________________________

श्री महाराजांच्या महासमाधीचे वृत्त कळले । भक्त सारे

शोकसागरात बुडाले । लोक मंदिराकडे धावत सुटले ।

दर्शन अखेरचे घेण्या ।। १ ।।

गावोगावी निरोप गेले । लगोलग लोक येऊ लागले ।

अश्रूंनी साऱ्यांचे डोळे वाहू लागले ।श्री महाराजांचे दर्शन घेता ।। २ ।।

दिवस सोमवारचा तसाच गेला । वार मंगळवार उजाडला ।

भाऊसाहेब केतकरांनी पुढाकार घेतला । निर्णय अंत्यसंस्काराचा घेतला ।। ३ ।।

शोभिवंत विमान केले । त्यात महाराजांना ठेवले । भक्तांनी

विमान उचलले । जय श्री राम घोषात गोंदवल्यात विमान

मिरवून आणले ।।४ ।।

दुपारचे तीन वाजले । चुलत बंधू श्रीहरीने सारे संस्कार केले।

मग शरीर चितेवर ठेविले । काही क्षणात भक्तांचे श्री महाराज अनंतात विलीन झाले ।। ५ ।।

हरिपंत, काही मंडळी प्रयगक्षेत्री गेले । नामाच्या गजरात

अस्थी-विसर्जन केले । भगवंत नामाची गोडी जे श्री महाराज

लावूनी गेले । त्यांचे भौतिक अस्तित्व संपुनी गेले ।।६ ।।

********

।। श्री राम जय राम जय जय राम ।।

___________________________

क्रमशः करी हे लेखन कवी अरुणदास ।।

___________________________-

कवी अरुणदास – अरुण वि. देशपांडे-पुणे.

____________________________