सिंधुदुर्ग सैनिक स्कूल अँड ज्युनियर कॉलेज आंबोलीचा वर्धापन दिन दिनांक २२ व २३ डिसेंबर रोजी.

आंबोली :

सिंधुदुर्ग सैनिक स्कूल अँड ज्युनियर कॉलेज आंबोलीचा २१ वा वर्धापन दिन दिनांक २२ व २३ डिसेंबर रोजी आयोजित करण्यात आला आहे. दिनांक 22 रोजी संध्याकाळी 06:00
वाजता विविध कलागुणांनी संपन्न
सांस्कृतिक कार्यक्रम सादर केले जाणार आहेत. या कार्यक्रमास प्रमुख अतिथी म्हणून 58 एनसीसी बटालियनचे कमांडिंग ऑफिसर कर्नल दयाळ उपस्थित राहणार आहेत. याप्रसंगी विविध स्पर्धांमध्ये विजेत्या विद्यार्थ्यांचा पारितोषिके देऊन गुणगौरव करण्यात येणार आहे.
दिनांक 23 डिसेंबर रोजी 10:30 वाजता संचालन,लाठीकाठी, झांज नृत्य,मल्लखांब, लेझीम, व्हॅली क्रॉसिंग, ऑबस्टॅकल्स अशी विविध चित्तथरारक मैदानी प्रात्यक्षिके सादर केले जाणार आहेत. या कार्यक्रमास प्रमुख अतिथी म्हणून सिंधुदुर्ग जिल्ह्याचे पोलीस अधीक्षक सौरभ कुमार अग्रवाल उपस्थित राहणार आहेत. याप्रसंगी शाळेच्या वेध या वार्षिक अंकाचे प्रकाशन केले जाणार आहे. सर्व पालक,नागरिकांनी या कार्यक्रमास उपस्थित राहून या छोट्या जवानांचं कौतुक करावे असे आवाहन कार्यकारी अध्यक्ष सुनील राऊळ आणि प्राचार्य नितीन गावडे यांनी केले आहे