मिलाग्रीसचे विद्यार्थी विभागीय स्तरावर चमकले, राज्यस्तरीय स्पर्धेसाठी निवड.!

सावंतवाडी :

मिलाग्रीस हायस्कूल आणि कनिष्ठ महाविद्यालयातील विद्यार्थ्यांनी कोल्हापूर विभागीय स्तरावरील कॅरम स्पर्धेत उत्कृष्ट कामगिरी केली, अव्वल स्थान मिळवले आणि राज्यस्तरीय स्पर्धेत स्थान मिळवले.

27/10/24 आणि 28/10/24 रोजी छत्रपती शिवाजी स्टेडियम, रत्नागिरी येथे झालेल्या या स्पर्धेत विभागामधील विविध शाळांनी उत्स्फूर्त सहभाग नोंदवला. मिलाग्रिसचे विद्यार्थी कौशल्य, प्रतिभा आणि खिलाडूवृत्तीचे प्रदर्शन करत आव्हानाला सामोरे गेले.

– कु. अमुल्य घाडी याने 17 वर्षांखालील मुलांच्या गटात द्वितीय क्रमांक पटकावला.
– कु. राम फाले (मिलाग्रीस ज्युनियर कॉलेज) याने 19 वर्षांखालील मुलांच्या गटात प्रथम क्रमांक आणि सुवर्णपदक मिळवले.
– कु.आस्था लोंढे हिने 14 वर्षांखालील मुलींच्या गटात 6 वा क्रमांक पटकावला.
– कु. 17 वर्षांखालील मुलांच्या गटात यशराज गावंडे याने 8 वा क्रमांक पटकावला.

कु. अमुल्य घाडी, कु. आस्था लोंढे आणि कु. राम फाले यांनी उत्कृष्ट कामगिरी केल्यामुळे आगामी राज्यस्तरीय कॅरम स्पर्धेसाठी पात्र ठरले आहेत.

प्राचार्य रेव्ह.फार.रिचर्ड सालदान्हा यांनी त्यांचे अभिनंदन केले व त्यांना राज्यस्तरावर यश मिळावे यासाठी शुभेच्छा दिल्या.