कणकवली :
कुडाळ मालवण मतदारसंघाचे महायुतीचे उमेदवार निलेश राणे यांनी वरवडे फणसनगर येथील मतदान केंद्रावर मतदानाचा हक्क बजावला. सायंकाळी उशिरा त्यांनी मतदान केले. त्यानंतर त्यांनी पत्रकारांशी संवाद साधला. जनतेचे प्रेम आणि मला दिलेली ऊर्जा या पाठबळावर मी कुडाळची लढाई जिंकेने असा विश्वास श्री राणे यांनी व्यक्त केला.
ते म्हणाले भावासाठी मतदान करणार हा एक वेगळा आनंद असतो. जेव्हापासून मतदानाचे वय त्यापासून मी इथेच मतदान करतोय. गेले दोन टर्म नितेश आमदार आहे. यंदा तर स्वतःचाच रेकॉर्ड तोडणार असून राज्यात सर्वाधिक तीन मताधिक्य मिळवलेल्या आमदारांमध्ये नितेशचा समावेश असणार आहे.
कुडाळ मालवण मधील जनतेने मला चांगला प्रतिसाद दिला प्रचंड प्रेम केलं मोठं पाठबळ दिलं जनतेची हीच ताकद मला निश्चितपणे निवडून देणार असून २३ तारखेला ते स्पष्ट होईल. या निवडणुकीत आम्ही विकासाचा मुद्दा पुढे नेत विरोधकांच्या कुठल्याही आरोपांना उत्तर दिली नाहीत. गेली दहा वर्षे विरोधक आमच्यावर आरोप करत आहेत ते आरोप यंदाच्याही निवडणुकीत झाले. त्यामुळे विरोधकांनी आमची लढाई सोपी केली असल्याची श्री राणे म्हणाले.
