राजन तेलींचा मोठ्या मताधिक्याने विजय निश्चित – बाबुराव धुरी

महाविकास आघाडी म्हणून सर्वजण निश्चितच मदत करणार…

सावंतवाडी

येथील विधानसभा मतदारसंघात महाविकास आघाडीचे उमेदवार राजन तेली यांना चांगला प्रतिसाद मिळाला आहे. त्यामुळे त्यांचा विजय निश्चित आहे, असा दावा ठाकरे सेनेचे जिल्हाप्रमुख बाबुराव धुरी यांनी केला आहे. मतदारसंघात महाविकास आघाडीच्या पदाधिकारी व कार्यकर्ते यांनी गावागावात जाऊन प्रचार केला आहे. तेली यांचा गेली अनेक वर्षे मतदार संघात दांडगा संपर्क आहे. याशिवाय शिवसेना विधानसभा प्रमुख रूपेश राऊळ आणि जिल्हाप्रमुख म्हणून मी निवडणूकीपर्वी मतदारसंघात जोरदार मुसंडी मारत प्रचार सुरू केला होता. त्याचा फायदा होईल, असे धुरी यांनी सांगितले.