आंबोलीत दुचाकी कठड्याला धडकून बेळगावातील युवक दरीत कोसळला…

दोन तासाच्या “रेस्क्यू ऑपरेशन” नंतर वाचविण्यास यश; सहकारी किरकोळ जखमी…

आंबोली

संरक्षक कठाड्याला दुचाकीची धडक बसून बेळगाव येथील एक युवक थेट आंबोली घाटात कोसळण्याचा प्रकार घडला. यात तो गंभीर जखमी झाला आहे. ही घटना आज सकाळी आठ वाजण्याच्या सुमारास मुख्यदर्डीच्या ठिकाणी घडली. तब्बल दोन तासाच्या रेस्क्यू ऑपरेशन नंतर त्याला बाहेर काढण्यात यश आहे.

त्याला अधिक उपचारासाठी बेळगाव येथे हलविण्यात आले आहे. फिदाहुसेन मीरासाब मकानदार ( वय १५ ) असे त्याचे नाव आहे. तर त्याच्यासोबत असलेल्या सय्यद अली गजभर साब मकानदार ( वय २४ ) हा किरकोळ जखमी झाला आहे. दोघेही अगरबत्ती विकण्यासाठी सावंतवाडीत आले होते. तिथून परतत असताना हा अपघात घडला. याबाबतची माहिती आंबोली दूरक्षेत्राचे पोलीस हवालदार दत्ता देसाई यांनी दिली आहे.