*जागतिक साहित्य कला व्यक्तित्व विकास मंचचे सन्माननीय सदस्य कवी अरुण वि. देशपांडे लिखित अप्रतिम काव्यरचना*

।। गण गण गणात बोते ।। जय गजानन ।श्री गजानन ।।

श्री गजानन विजय काव्यांजली काव्यपुष्प- ७० वे

अध्याय -१२ वा, कविता – चौथी

___________________________

रे पितम्बरा तू ऐक जरा । सोडू नकोस तू धीरा । अससी तू शिष्य खरा । कार्य माझे करण्यास ।। १ ।।

मठास सोडुनी जातांना । वाईट वाटे त्याच्या मना । अश्रू त्याचे थांबेना । शेगाव सोडताना ।। २ ।।

पितांबर कोंडोली गावी आला । वनात तो थांबला ।

आंब्याच्या झाडाशी बसला । स्मरण करी स्वामींचे रात्रभर

।। ३ ।।

दिवस उजाडला । मुंग्या- मुंगळ्यांचा त्रास होऊ लागला ।

मग झाडावरी जाऊनी बैसला । पितांबर ।। ४ ।।

गुराखी पाहू लागले । कौतुक त्यांना वाटले । पडत कसा नाही, आश्चर्य वाटले । त्या सगळ्यांना ।। ५ ।।

फांदी-फांदी हा फिरतो आहे । कसे यास जमते आहे ।

कोण हा विशेष आहे ? । कळत नाही ।।६ ।।

असावा हा शेगावचा । शिष्य श्री गजाननाचा । हेतू काय ?इथे येण्याचा ?। विचारू त्यास ।। ७ ।।

गावात वृत्त हे कळले । लोक तिथे आले । विचारू लागलें।

तू कोण रे ? आलास इथे कशाला ?

*********************

क्रमशः करी लेखन कवी अरुणदास

___________________________

कवी अरुणदास – अरुण वि. देशपांडे – पुणे.

____________________________