*जागतिक साहित्य कला व्यक्तित्व विकास मंचचे सन्मा सदस्य तथा लालित्य नक्षत्रवेल समूह प्रशासक लेखक कवी दीपक पटेकर लिखित अप्रतिम काव्यरचना*

*वनहरिणी वृत्त*

*आली अंगणी दिवाळी*

सारे मिळुनी चला काढुया रंगबिरंगी ती रांगोळी

पापण्यांवरी घेउन स्वप्ने आज अंगणी सजे दिवाळी ||धृ||

आई बाबा काका काकी दादा वहिनी सर्वच आले

खेळ खेळता मुलांसारखे नकळत छोटे बच्चे झाले

रंग पाहुनी दिपावलीचे हसले तारे बघ आभाळी

पापण्यांवरी घेउन स्वप्ने आज अंगणी सजे दिवाळी ||१||

एका रांगेमधे लावले लाल गुलाबी आकाश दिवे

वीज तोरणे लुकलुकणारी जणू नभांगी चांदणं थवे

पणात्यांमध्ये जळती वाती तेजोमय ती ज्योत निराळी

पापण्यांवरी घेउन स्वप्ने आज अंगणी सजे दिवाळी ||२||

हिरवा पिवळा रंग जांभळा नवीन कपडे खुलून दिसले

ज्योतिर्मय या प्रकाशात मग आनंदाने सर्व नाचले

फुलबाज्या अन् भूचक्रांची धुंदीत सुरू झाली खेळी

पापण्यांवरी घेउन स्वप्ने आज अंगणी सजे दिवाळी ||३||

© दीपक पटेकर (दीपी)

सावंतवाडी

८४४६७४३१९६