*जागतिक साहित्य कला व्यक्तित्व विकास मंचचे सन्माननीय सदस्य कवी चंद्रशेखर कासार लिखित अप्रतिम काव्यरचना*

*दिपावली शुभेच्छा* 

आली दिवाळी दिवाळी

चंद्र चांदण्या आकाशी

पणत्या पेटल्या अंगणी

दिप राशींची नकाशी

सण मोठा मांगल्याचा

हर्ष उल्हास आनंदाचा

लक्ष्मी घरादारा येता

पाय लागे भाग्याचा

कर अष्टमीला आठ करवे

नैवेद्याला भाजी पुरीचे ताट

बसुबारस सणाला पुजले

गाय वासरूचा थाटमाट

धनाची पेटी घेऊन आली

लक्ष्मी धन त्रयोदशीला

नरका सुराचा वध केला

दिन नरक चतुर्दशीला

आली लक्ष्मी सोनपाऊले

दिप अवसेला लक्ष्मी पुजन

बली प्रतिपदा पाडवा गोड

शुभ मुहर्ताचा योग दिन

आली बहिण ओवाळाया

नाते प्रेमळ अतूट आस

भाऊ आतूर भेटायला

भाऊबीज सण खास

करू आनंदे साजरा

सण दिवाळी सोहळा

भेटीगाठी घेऊ सारे

देऊ शुभेच्छा सकळा

कवी :-

*चंद्रशेखर प्रभाकर कासार*

*चांदवडकर, धुळे.*

७५८८३१८५४३.

८२०८६६७५७७