कुडाळ :
आपल्या सिंधुदुर्ग जिल्ह्यातील कोकणकन्या आणि कलर्स मराठी वाहिनीवरील बिग बॉस फेम अभिनेत्री अंकीता प्रभू वालावलकर आणि सुप्रसिद्ध संगीत दिग्दर्शक कुणाल भगत ह्यांचा बॅरिस्टर नाथ पै शिक्षण संस्थेचे संचालक उमेश गाळवणकर, कोकणातील हजारो कलाकारांना सिने मालिका क्षेत्रात व्यासपीठ मिळवून देणारे दिग्दर्शक, फिल्म लाईन प्रोड्यूसर तथा कोकण कला केंद्र अध्यक्ष साईनाथ जळवी आणि निवेदक अमर प्रभू आणि यांच्या प्रमुख उपस्थितीत जाहीर सत्कार आणि गप्पा टप्पांचा कार्यक्रम आयोजित करण्यात आला आहे.
त्यावेळी बॅ. नाथ पै सेंट्रल स्कूल कुडाळ या सीबीएसई बोर्डाच्या शाळेतील विद्यार्थी- विद्यार्थिनींनी दिवाळीनिमित्त आकाश कंदील मेणबत्ती अथवा विविध भेट कार्ड बनवलेल्या आहेत. तसेच विद्यार्थ्यांनी बनवलेल्या खाद्यपदार्थ व गृहपयोगी वस्तूंचे व भेटवस्तूंचे प्रदर्शन मंगळवार दिनांक २९ ऑक्टोबर २०२४ रोजी सकाळी ९.३० वाजता कुडाळ येथील बॅ. नाथ पै शैक्षणिक भवन मध्ये आयोजित केले आहे.
सदर प्रदर्शनाचे उद्घाटन बिग बॉस फेम कोकण-महाराष्ट्र हार्टेड अंकिता वालावलकर आणि सिने संगीत दिग्दर्शक श्री. कुणाल भगत आणि साईनाथ जळवी हे करणार आहेत. तरी या सन्मान सोहळ्याला आणि प्रदर्शनाचा आणि यानिमित्ताने आयोजित केलेल्या गप्पाटप्पांच्या कार्यक्रमाचा लाभ घ्यावा, असे आवाहन सेंट्रल स्कूलच्या प्राचार्या सौ. चैताली बांदेकर, सांस्कृतिक विभाग प्रमुख प्रिया केडगाळे यांनी केले आहे.
