बेकायदेशीररीत्या सहा गुरांना घेऊन जाणाऱ्या टेम्पो गाडीवर आंबोलीत कारवाई…!

सावंतवाडी

बेकायदेशीररीत्या कतलीसाठी 6 गुरांना बेळगाव येथे घेऊन जाणाऱ्या टेम्पो गाडीवर काल रात्री आंबोली चेकपोस्टवर कारवाई करण्यात आली आहे. या कारवाईत मंदार कर्पे आणि अश्पाक जकाती या कुडाळ तालुक्यातील दोन युवकांना ताब्यात घेण्यात आले असून, त्यांच्या ताब्यातील टेम्पो गाडी आणि 4 रेडे आणि 2 म्हशी अशी 6 गुरे कतलीसाठी बेळगाव येथे घेऊन जाताना ताब्यात घेण्यात आली आहेत.

याबाबतची फिर्याद पोहवा दीपक शिंदे यांनी सावंतवाडी पोलिसात दाखल केली आहे. ही कारवाई पोलीस निरीक्षक अमोल चव्हाण व पोलीस उप निरीक्षक संजय कातिवले यांच्या मार्गदर्शनाखाली पोलीस हवालदार दत्तात्रय देसाई, दीपक शिंदे, मनीष शिंदे, अभिजीत कांबळे यांनी केली आहे.