*जागतिक साहित्य कला व्यक्तित्व विकास मंच तथा साहित्य प्रेरणा कट्टा आजगावचे सन्मा.सदस्य कवी सोमा चंद्रकला चंद्रकांत गावडे लिखित अप्रतिम काव्यरचना*

*कृष्ण सखा जीवन सारथी*

वरुनी सावळा अंतरी अमृत लळा

असा कृष्ण सखा पहा दिव्यत्वे आगळा ||१||

बालपणी खेळे गोविंदराज सावळा

गोपाळाचा हा धुंद वेणू नाद वेगळा ||२||

रक्षक पालक शिक्षक असे आगळा

शांत चित्त चित्तचोर प्रिय हा सावळा ||३||

गोवर्धन पूजूनि विश्व पूजा आगळी

सत्यप्रिय धैर्यशील शांती ती वेगळी ||४||

दुष्टता छेदुनि सभ्य परम आगळा

रणांगणी वा संसारी नित्य हा वेगळा ||५||

स्वार मनावरी हा भक्तप्रिय सावळा

भक्तवत्सल असा मनवेगे पावला ||६||

कधी भक्तीसाठी रणांगणी हा निर्मळा

उपदेशी भगवद्गीता असा वेगळा ||७||

जीवना अर्थ दे सारथी सखा विरळा

मुखे गोपालकृष्ण मंत्र ये महा भला ||८||

भक्तीरत कुणी असे नित्य हा श्यामला

चरितार्थ चालवी कृष्ण आशीष भला ||९||

भगवद्गीता देते जगण्या अर्थ आगळा

ध्यानी मनी नामी जीवन सार्थी वेगळा ||१०||

कवी :- श्री सोमा चंद्रकला चंद्रकांत गावडे.

फणसखोल, आसोली, ता.- वेंगुर्ला,

जि.- सिंधुदुर्ग, राज्य – महाराष्ट्र.