*जागतिक साहित्य कला व्यक्तित्व विकास मंचचे सन्मा सदस्य कवी चंद्रशेखर कासार लिखित अप्रतिम काव्यरचना*

*मंगलमुर्ती मोरया*

आले गणपती भूवरी

मिरवू त्यांना पालखीवरी

सोबतीला मुषकाची स्वारी

करू या स्वागताची तयारी

संगीत वाजवून जयघोष करू या

गणपती बाप्पा मोरया मंगलमुर्ती मोरया //१//

गुलाल उधळून पुष्प दुर्वा वाहू या

धूपदिप लावून करू पुजा अर्चना

वंदन करून निरांजन ओवाळू

आरती म्हणून करू प्रार्थना

संगीत वाजवून जयघोष करू या

गणपती बाप्पा मोरया मंगलमुर्ती मोरया //२//

चौसष्ट कलांचा अधिपती

बाप्पा तुझी सुंदर मूर्ती

गणांचा नायक गणपती

विश्वात आहे तुझी किर्ती

संगीत वाजवून जयघोष करू या

गणपती बाप्पा मोरया मंगलमुर्ती मोरया //३//

गणेश चतुर्थीला बाप्पा आला

दहा दिवस मुक्कामाला

नाचूगाऊ उत्सव साजरा करू

बाप्पाला देऊ निरोप चतुर्दशीला

संगीत वाजवून जयघोष करू या

गणपती बाप्पा मोरया मंगलमुर्ती मोरया //४//

भक्ताच्या हाकेला धाऊन या

संकटं निवारूण वरदहस्त असू द्या

निरोप बाप्पाला देताना म्हणू या

पुढच्या वर्षी लवकर या

संगीत वाजवून जयघोष करू या

गणपती बाप्पा मोरया मंगलमुर्ती मोरया //५//

कवी :-

*चंद्रशेखर प्रभाकर कासार*

*चांदवडकर, धुळे.*

७५८८३१८५४३.

८२०८६६७४७७.