कोलगाव येथे रस्त्यालगत उभ्या असलेल्या मुलाला दुचाकीची धडक…

गंभीर जखमी, गोवा-बांबोळी येथे हलविले…

सावंतवाडी

रस्त्यालगत उभ्या असलेल्या १० वर्षीय मुलाला अज्ञात दुचाकीस्वाराने धडक देत पलायन केले. या अपघातात तो गंभीर जखमी झाला आहे. निलेश जनार्दन पाटील (वय १०, रा. कोलगाव-भोमवाडा) असे त्याचे नाव आहे.

ही घटना आज सायंकाळी जुन्या मुंबई-गोवा महामार्गावरील कोलगाव येथील भवानी स्टीलच्या समोर घडली. दरम्यान निलेशला येथील उपजिल्हा रुग्णालयात दाखल करण्यात आले परंतू त्याची प्रकृती गंभीर असल्याने त्याला अधिक उपचारासाठी गोवा-बांबोळी येथे हलविण्यात आले आहे. त्याच्या पायाला व डोक्याला गंभीर दुखापत झाली आहे.