कणकवली तालुका नाभिक संघटनेच्या वतीने विविध उपक्रम..

कणकवली :

दरवर्षी नाभिक संत सेना महाराज यांची पुण्यतिथी विविध स्पर्धा व उपक्रमांचे आयोजन करुन साजरी करण्यात येते. यावर्षी ही कणकवली तालुका नाभिक संघटनेच्या वतीने माजी जिल्हाध्यक्ष अनिल अणावकर यांचे निवासस्थानी व परमहंस भालचंद्र भक्त निवास येथे पुण्यतिथी व समारंभपूर्वक कार्यक्रम साजरे केले जाणार आहेत. सकाळी ठीक ८ वाजता पूजन आरती, भजन होईल. त्यानंतर तीर्थप्रसाद असणार आहे. १० वाजता समारंभपूर्वक कार्यक्रम सुरू होतील. महीलांनी काढलेल्या रांगोळ्या स्पर्धेतील आकर्षक रांगोळ्याचे प्रदर्शन व परीक्षण होणार आहे. ६ वर्षे वयोगटातील मुलांच्या संत सेना महाराज वेशभूषा स्पर्धा होतील. संत सेना महाराज चित्र स्पर्धा, वेशभूषा स्पर्धा आणि रांगोळी स्पर्धेचे बक्षीस वितरण देणगीदार संकेत श्रीधर नाईक व मान्यवरांच्या शुभहस्ते होणार आहे. अन्नपूर्णा निधी योजनेत सहभागी देणगीदारांना सन्मानपत्रे तसेच कणकवली, खारेपाटण, तळेरे, नांदगाव, फोंडा, कनेडी विभागातील आदर्श नाभिक बांधवांना सन्मानचिन्ह देऊन मान्यवरांच्या शुभहस्ते गौरविण्यात येणार आहे. कार्यक्रमाचे शेवटी लकी ड्रॉ काढण्यात येणार आहे. सर्वांनी सर्व उपक्रम, स्पर्धा, समारंभ पूर्वक कार्यक्रम व महाप्रसादाचा लाभ घ्यावा असे आवाहन रोशन चव्हाण व महिला अध्यक्ष तेजस्विनी कुबल यांनी कणकवली तालुका नाभिक संघटनेच्या वतीने केले आहे.