कोलगांव येथे दुचाकी अपघातात युवक गंभीर

सावंतवाडी :

कोलगाव चर्चजवळ उभ्या असलेल्या चार चाकी गाडीला दूचाकीने मागाहून जोरदार धडक दिल्याने झालेल्या अपघातात दिनेश सिंग (वय २४, राहणार कोलगांव ) हा युवक गंभीर जखमी झाला. मंगळवारी रात्री १०.३० च्या सुमारास ही घटना घडली.
या अपघाताची माहिती मिळतात त्याचे मित्र आशिष सुकी अमन मेमन, रोमित रेडीज, विपुल भिसे, तन्मय पांगम यांनी त्याला त्वरीत सावंतवाडी उपजिल्हा रुग्णालयात उपचारार्थ दाखल केले. अपघातग्रस्त युवकाच्या तोंडाला व डोक्याला गंभीर दुखापत झाली आहे. उपजिल्हा रुग्णालयाचे अस्थिरोग तज्ञ डॉ. निखिल अवधूत यांनी त्याच्यावर प्राथमिक उपचार करून त्याला अधिक उपचारासाठी गोवा बांबुळी रुग्णालयात पाठवण्यात आले. सदर अपघातग्रस्तांना सहकार्य करण्यासाठी जीवन रक्षा प्रतिष्ठानचे अध्यक्ष राजू मसुरकर व सामाजिक बांधिलकीचे रवी जाधव उपस्थित होते.