ठाकरे सेनेच्या सावंतवाडी उपतालुकाध्यक्षपदी सोनू दळवी…

सावंतवाडी

येथील ठाकरे सेनेच्या उपतालुकाध्यक्षपदी विलवडे येथील सोनू दळवी यांची नुकतीच निवड करण्यात आली आहे. आगामी काळात होणाऱ्या निवडणुका लक्षात घेता पक्ष संघटना मजबूत करण्यासाठी त्यांना ही जबाबदारी देण्यात आली आहे. दळवी हे ओटवणे दशक्रोशीतील तरुण नेतृत्व असून त्यांचा संपर्क दांडगा आहे. गेली पंधरा वर्षे विविध क्षेत्रात कार्यरत असलेल्या सोनू दळवी यांचे सामाजिक कार्यातही त्यांचे मोठे योगदान आहे.

आगामी काळात होऊ लागलेल्या विधानसभा, जिल्हा परीषद व पंचायत समितीच्या निवडणुकीच्या पार्श्वभूमीवर शिवसेना उबाठा सावंतवाडी तालुका संघटना मजबूत करण्यासाठी नवनिर्वाचित सावंतवाडी विधानसभा प्रमुख रुपेश राऊळ यांच्या नेतृत्वाखाली संपर्क यात्रा सुरु आहे. त्या पार्श्वभूमीवर विलवडे येथील शिवसैनिक सोनू दळवी यांच्याकडे सावंतवाडी उपतालुका पदाची जबाबदारी देण्यात आली आहे.

यावेळी सावंतवाडी विधानसभा प्रमुख रुपेश राऊळ, जिल्हा समन्वयक बाळा गावडे, उपजिल्हा प्रमुख चंद्रकांत कासार, संघटक मायकल डिसोजा, महीला संघटीका सुकन्या नरसुले, भारती कासार, नम्रता झारापकर, शब्बीर मणियार, शिवदूत अशोक परब, माजगाव विभाग प्रमुख सुनील गावडे, अशोक धुरी आदी शिवसैनिक उपस्थित होते.