*जागतिक साहित्य कला व्यक्तित्व विकास मंचच्या सन्माननीय सदस्य ज्येष्ठ लेखिका कवयित्री डॉ.दक्षा पंडित लिखित अप्रतिम अभंग रचना*

*गोकुळाष्टमी*

गोकुळ अष्टमी|जन्म श्री कृष्णाचा||

आनंदकंदाचा|

सर्वांसाठी||१||

विष्णू अवतार| दूर अंधकार||

जगाचा उध्दार|कृष्ण करे||२||

नंदाचा हा कान्हा | यमुनेच्या तिरी||

वाजवे बासरी |सुमधुर||३||

कान्हामय झाली| सगळीच सृष्टी||

प्रेमाची ही वृष्टी| सर्वांवरी||४||

गोपिकांच्या संग| रंगला श्रीहरी||

चैतन्य अंबरी| चोहिकडे|| ५||

दहीहंडी दिनी|उंच उंच थर||

गोविंदांचे कर|गगनात||६||

गोविंदा करतो|कान्हाचे स्मरण||

करील रक्षण| खात्री त्यांस||७||

श्रीकृष्ण सांगतो | गीतेतले तत्व ||

जाणावे महत्व | जीवनात ||८||

एकतेचा दिसे| भव्य अविष्कार||

जीवनाचे सार| कृष्णनिती||८||

डॉ दक्षा पंडित

दादर,मुंबई