*जागतिक साहित्य कला व्यक्तित्व विकास मंचचे सन्मा सदस्य कवी शशांक देशमुख लिखित अप्रतिम काव्यरचना*
*कलियुग…* (अष्टाक्षरी रचना)
कसा कलियुगी फेरा
जग पुजे अंधकारा…
कुठे युद्धाचे सावट
कुठे आतंक बुहारा…।। १ ।।
गेली युगे तीन ऐसी
सुखसमृद्धीची नांदी…
आले घोर कलियुग
जसे सुकलेली फांदी…।। २ ।।
नीतिमत्ता ढासळली
फक्त उरले भाषण…
जनी अनीतीचा पुर
नाही राहिले धोरण…।। ३ ।।
शब्द वचने गहाळ
झाली जिव्हा ती वाचाळ…
कशी शब्द फिरवुनी
घात करीते लबाड…।। ४ ।।
नर असो किंवा नारी
झाले स्वैर युक्तिवादी…
देशी सभ्यता संस्कृती
झाली लुप्त, जशी खादी!…।। ५ ।।
कशी कलियुगी माया
किर्र दाटला अंधार…
भावी पिढीचे भविष्य
झाले दिसेनासी भोर…।। ६ ।।
✍️शशांक दिनकरराव देशमुख©®
चांदुरबाजार, जि. अमरावती
(महाराष्ट्र राज्य) – ४४४ ७०४
मो. क्र. ९९२३५३६३२५
