गणेशवाडी / प्रतिनिधी
शेडशाळ (ता. शिरोळ ) येथील न्यू इंग्लिश स्कूलमध्ये व्यसनमुक्तीची शपथ घेण्यात आली. हा कार्यक्रम नशाबंदी मंडळ, महाराष्ट्र राज्य संचलित कोल्हापूर जिल्हा व्यसनमुक्ती केंद्र संघटना यांच्या सहकार्याने पार पडला.
यावेळी क्रीडा शिक्षक अमोल मस्के यांनी सर्वांना व्यसनमुक्तीची शपथ दिली. यामध्ये मी कुठल्याही प्रकारचे व्यसन माझ्या आयुष्यात लागू देणार नाही. मी आजीवन निव्यसनी राहीन. मी व्यसनमुक्तीसाठी असलेल्या कायद्याचे काटेकोरपणे पालन करीन.
अंमली पदार्थाच्या विरोधात आयुष्यभर कार्यरत राहिन, अशी विद्यार्थी, शिक्षक व शिक्षकेतर कर्मचाऱ्यांनी सामुहिक शपथ घेतली. यावेळी मुख्याध्यापिका श्रीमती माणिक नागावे, पद्मावती घाट, संतोष माने, मनोज पासोबा, सत्यजित पाटील, सुभाष माने, गणेश खिलारे, धनश्री पोवार, वैशाली टारे तसेच सर्व विद्यार्थी, शिक्षक, शिक्षकेतर कर्मचारी उपस्थित होते.
