*जागतिक साहित्य कला व्यक्तित्व विकास मंच तथा साहित्य प्रेरणा कट्टा आजगावचे सन्मा सदस्य कवी सोमा चंद्रकला चंद्रकांत गावडे लिखित अप्रतिम काव्यरचना*

*खंत न राहो गेले द्यायचे राहून* 

द्यायचे नच राहून जावो

शुद्ध ते देणे एकमेकांना |

जे जे उत्तम देण्यासारखे

ते ते द्यावे गरजवंतांना ||१||

करावे नेतृत्व शांततेने

तरुणांनी गाव तालुक्याचे |

ज्ञान घेऊन मानवतेचे

जिल्हा राज्य समग्र देशाचे ||२||

वृद्धांनीही तरुण होऊनि

ज्ञानाने विकासात रहावे |

अमृततुल्य हे ज्ञानधन

देशास मानवतेला द्यावे ||३||

देणाऱ्याने देतच रहावे

घेणाऱ्याने दातृत्वच घ्यावे |

देणे घेणे हवे मांगल्याचे

मानव सारे एकरुप व्हावे ४||

देण्यासारखे प्रत्येकापाशी

आहेच प्रत्येक क्षणी मूल्य

मधु फळे शुद्ध बिजापोटी

रसाळ सत्वा अमूल्य ते मूल्य ||५||

नरनारी ते होऊनि ज्ञानी

विज्ञान अध्यात्म बहु शास्त्रे |

सकल घेती शुद्ध जाणूनि

स्वकुल देश गौरवा शास्त्रे ||६||

कवी :- श्री सोमा चंद्रकला चंद्रकांत गावडे

फणसखोल, आसोली, ता.:- वेंगुर्ला,

जि.:- सिंधुदुर्ग, राज्य :- महाराष्ट्र.