*जागतिक साहित्य कला व्यक्तित्व विकास मंचचे सन्मा सदस्य कवी शशांक देशमुख लिखित अप्रतिम काव्यरचना*
*मोहिनी.. वर्षाराणी* (अष्टाक्षरी रचना)
कशा भिजवी धरेला
चिंब पावसाच्या धारा…
नभी धावतीया मेघ
गातो गाणे वात-वारा…।। १ ।।
वर्षाराणी मोहिनीशी
सिंचे जल नभातून…
तृष्णा व्याकूळ धरित्री
करे अमृत प्राशन…।। २ ।।
आसमंती सर्वदूरी
घन ओथंबून आले…
रिमझिमत्या सरींनी
ओसंडली नदी-नाले…।। ३ ।।
दिसे जोमात वावरी
पीकं डोलतां खुशीत…
डोळी दुरूनीया रानं
स्वर्ग हिरवा प्रतीत…।। ४ ।।
शालू हिरवा नेसून
झाली धरा संजीवन…
ओठी हरेक जीवाच्या
गान उमलले छान…।। ५ ।।
बळीराजा सुखावला
पाहे पीकं डोलतानी…
घाले साकडे हरीला
होऊ दे रे आबादानी…।। ६ ।।
✍️शशांक दिनकरराव देशमुख©®
चांदुरबाजार, जि. अमरावती
(महाराष्ट्र राज्य) – ४४४ ७०४
मो. क्र. ९९२३५३६३२५
