*जागतिक साहित्य कला व्यक्तित्व विकास मंचच्या सन्माननीय सदस्या ज्येष्ठ लेखिका कवयित्री उज्ज्वला कोल्हे लिखित अप्रतिम अभंग रचना …*

*विठ्ठलाची वारी…*

आषाढ मासात | एकादशी आली |

वारकरी झाली | गोळा सर्व ||१||

युगे अठ्ठावीस | उभा विटेवरी |

कर कटावरी | ठेवुनिया ||२||

निघे वारकरी | विठूला भेटाया |

लागल्या वाजाया | टाळ झांजा ||३||

खेळत पाऊली | माऊली भजन |

भक्तीत सज्जन | रममाण ||४||

दिव्य असा बघा | ब्रम्हांडी सोहळा |

आनंदाचा मळा | फुलतसे ||५||

वैष्णवांचा मेळा| फुगड्या घालती |

रिंगण धरती | रस्त्यावर ||६||

अबिर गुलाल | वृंदा डोईवर |

हर्ष चराचर | अवघाची ||७||

चंद्रभागा स्नान | आत्म समाधान |

हरपते भान | नामघोष||८||

भक्त पंढरीत | घाली लोटांगण |

धरुनी चरण | विठ्ठलाचे ||९||

वारी परंपरा | संस्कृतीचे भान |

महिमा महान | एकादशी ||१०||

…………✍

👉 उज्ज्वला कोल्हे,uk

कोपरगाव