*जागतिक साहित्य कला व्यक्तित्व विकास मंचच्या सन्माननीय सदस्य जेष्ठ लेखिका कवयित्री शीला पाटील लिखित अप्रतिम अभंग रचना*

*वारी आषाढीची* 

*अभंग* 🌹

*(6/6/6/4)*

आषाढी वारीचा / उपवासआज

चढवीला साज / पांडुरंगा

गळा वैजयंती / तुळशीच्या माळा

शोभतो सावळा / पांडुरंग

पहावा विठ्ठल/ भजावा विठ्ठल

स्मरावा विठ्ठल / रात्रंदिन

टाळ वीणा वाजे / पंढरी नगरी

पांडुरंग हरी. / दंग होई

विठ्ठल नामात / गर्जली पंढरी

दंग वारकरी / भजनात

दुथडी भरली / माय चंद्रभागे

तुझी ओढ लागे / तीर्थासाठी

नामयाची जनी / नाथोबा तुकोबा

सावता चोखोबा / संतजण

दर्शनाची आस / लागे पांडुरंग

तव नामी दंग / सर्वकाळ

पद्म नाभावरी / रुसली रुख्माई

राग सोड आई / आतातरी

उभा वीटेवरी / युगे अठ्ठावीस

जीव कासावीस / पांडुरंगा

विठु पांडुरंग / दिनांची सावली

भक्तांची माऊली / पंढरीत

तुचं माझीआस / तुचं माझा ध्यास

तुचं माझा श्वास / पांडुरंगा

*शीला पाटील. चांदवड.*

*नाशिक*