*जागतिक साहित्य कला व्यक्तित्व विकास मंचच्या सन्मा.सदस्या ज्येष्ठ कवयित्री अनघा अनिल कुळकर्णी लिखित अप्रतिम अभंग रचना*

*प्रस्थान सोहळा*

ज्ञानोबा तुकोबा / स्मरण करत /

आळंदी देहूत / वारकरी … … … .. १

टाळ वीणा हाती / इंद्रायणी तीरी /

निघाले पंढरी / दर्शनाला… … … …२

गजर नामाचा / ताल अभंगांचा /

ठेका मृदंगाचा / चैतन्याचा… … … . ३

मुखात अभंग / वैष्णवांचा मेळा /

प्रस्थान सोहळा / भावपूर्ण… … … ..४

अंगावर घेत / सरी पावसाच्या /

दिंड्या भाविकांच्या / भक्तीमय… … .५

देवाचिये दारी / रूप विटेवरी /

उभा क्षणभरी / आत्मानंद… … … . ६

सौ. अनघा अनिल कुळकर्णी

पुणे. 🙏