*जागतिक साहित्य कला व्यक्तित्व विकास मंचच्या सन्मा.सदस्या ज्येष्ठ कवयित्री उज्वला सहस्त्रबुद्धे लिखित अप्रतिम काव्यरचना*
*योगा दिन..*
योग येतो जीवनी ,
घेऊनी संजीवनी !
आरोग्य आणि संपदा,
हातात हात घेऊनी !
जगी पटली सर्वांना ,
योगाची अद्भुत किमया!
लोपली होती कालांतरी,
भुलवी भौतिक माया!
भौतिकाची ओढ होती,
सुदृढ शरीर दुर्लक्षित !
योग अन् व्यायामाची,
हरपली होती रीत !
योगगुरुची गरज होती,
आधुनिक जगाला!
रामदेव रुपे धावत आला,
कृष्ण अपुल्या साथीला!
निरामय योग शिकवला,
रामदेव बाबांनी !
होऊ सगळे योगाभ्यासी,
सफल होऊ जीवनी!
उज्वला सहस्रबुद्धे
