*जागतिक साहित्य कला व्यक्तित्व विकास मंचचे सन्माननीय सदस्य कवी शशांक देशमुख लिखित अप्रतिम काव्यरचना*
*पैसा…*
माया अर्थात ममता
म्हणजेच प्रीत होती…
ओढून अर्थ-चादर
झाली पैसा वा संपत्ती…// १ //
जनजन उतावीळ
हपापले पैशासाठी…
गेले विसरून जैसे
नातीगोती बंधगाठी…// २ //
पैसा अमाप, भरतो
दर्पाशिवाय न दुजे…
माये समोरी जयाचे
मोल कैसे खुजे-खुजे…// ३ //
पैसा खर्चून कुठे ती
मिळते का? हो ममता…
माया वस्तू ना ती, लागे..
जिचा तो मोल कोणता…// ४ //
पैसा.. धन तामसाचे!
भरे दंभ, हरे प्रीती…
मीपणा भरून माथी
हरे मती, करे अती…// ५ //
पैसा धन वा संपत्ती
देते जरी खूपकाही…
‘फुंकर मायेची’ कशी
खरेदून देत नाही…// ६ //
✍️शशांक दिनकरराव देशमुख
चांदुरबाजार, जि. अमरावती
(महाराष्ट्र राज्य) – ४४४ ७०४
मो. क्र. ९९२३५३६३२५
