२४ जूनला सुपर-८ मध्ये भारताचा सामना ऑस्ट्रेलियाशी होण्याची शक्यता, सुपर-८ मधील संभाव्य संघ आणि वेळापत्रक*

मुंबई (गुरुदत्त वाकदेकर) :

टी२० विश्वचषक २०२४ मध्ये भारताने बुधवारी अमेरिकेचा पराभव करून सुपर-८ मध्ये आपले स्थान निश्चित केले. न्यूयॉर्कमधील नासाऊ काउंटी इंटरनॅशनल स्टेडियमवर खेळल्या गेलेल्या या सामन्यात अमेरिकेने प्रथम फलंदाजी करताना २० षटकांत ८ गडी गमावून ११० धावा केल्या. प्रत्युत्तरात भारतीय संघाने १८.२ षटकांत ३ गडी गमावून लक्ष्य गाठले. या टी२० विश्वचषकात टीम इंडियाचा हा सलग तिसरा विजय ठरला. यापूर्वी भारताने आयर्लंड आणि पाकिस्तानचा पराभव केला होता.

भारतीय संघ ‘अ’ गटात अव्वल स्थानावर राहणार आहे. मात्र, टीम इंडियाने आपल्या गटात दुसऱ्या क्रमांकावर स्थान मिळवले असते, तरीही ते अ१ मानले गेले असते. खरं तर, आयसीसीने आधीच जाहीर केले होते की भारतीय संघाने आपल्या गटात कोणतेही स्थान घेतले तरी ते सुपर- मध्ये अ१ मानले जाईल. त्यामुळे त्यांचे सामने भारतीय वेळेनुसार रात्री ८ पासून प्रसारित केले जातील. त्याचप्रमाणे, ऑस्ट्रेलियन संघ आपल्या गट-ब मध्ये अव्वल आहे, परंतु तो केवळ ब२ मानला जाईल. अशा परिस्थितीत सुपर-८ फेरीत भारत आणि ऑस्ट्रेलियन संघ एकाच गटात असतील. स्पर्धा सुरू होण्यापूर्वीच सुपर-८ साठी काही संघांना सीडिंग देण्यात आले होते. भारत आणि ऑस्ट्रेलियाशिवाय आणखी काही संघ आहेत. प्रथम पाहूया त्यांचे सिडिंग…

गट अ
अ१: भारत, अ२: दुसरा पात्र संघ

गट-ब
ब१: दुसरा पात्र संघ, ब२: ऑस्ट्रेलिया

गट-क
क१: दुसरा पात्र संघ, क२: वेस्ट इंडिज

गट-ड
ड१: दक्षिण आफ्रिका, ड२: दुसरा पात्र संघ

भारत सुपर-८ साठी पात्र ठरताच या फेरीतील काही सामने निश्चित झाले आहेत. सुपर-८ फेरीत प्रत्येकी चार संघांचा एक गट तयार केला जाईल. प्रत्येक गटात एक संघ तीन सामने खेळेल. आपापल्या गटातील अव्वल दोन मानांकित संघ उपांत्य फेरीत पोहोचतील. उपांत्य फेरीचे दोन्ही सामने २६ जून (त्रिनिदाद) आणि २७ (गयाना) रोजी येथे खेळवले जातील. जर भारतीय संघ उपांत्य फेरी गाठण्यात यशस्वी ठरला तर त्यांचा सामना गयानामध्ये होईल. तर अंतिम सामना बार्बाडोस येथे २९ जून रोजी होणार आहे. भारतीय संघ सुपर-८ फेरीतील पहिला सामना २० जून रोजी बार्बाडोस येथे क गटातील अव्वल संघाविरुद्ध खेळेल. क गटात अव्वल स्थान मिळवणारा संघ अद्याप निश्चित झालेला नाही. वेस्ट इंडिजला क२ मानांकन देण्यात आले. अशा स्थितीत अफगाणिस्तानचा संघ क१ वर कायम राहू शकतो. मात्र, १४ जूनला त्यांचा सामना पापुआ न्यू गिनीशी होणार आहे. या सामन्याच्या निकालावर बरेच काही अवलंबून असेल. अशा परिस्थितीत सुपर-८ मध्ये टीम इंडियाचा सामना अफगाणिस्तान संघाशी होऊ शकतो.

यानंतर टीम इंडिया २२ जून रोजी दुसरा सुपर-८ सामना ड गटातील दुसऱ्या स्थानावरील संघाशी होईल. हा सामना सेंट व्हिन्सेंट येथे होणार आहे. दक्षिण आफ्रिकेने ड गटात पहिले स्थान मिळवून पात्रता मिळवली आहे. त्याचवेळी बांगलादेश आणि नेदरलँड्सचे संघ दुसऱ्या स्थानासाठी प्रबळ दावेदार आहेत. मात्र, नेपाळ आणि श्रीलंकाही या शर्यतीतून बाहेर नाहीत. हा गट अजूनही खुला आहे. मात्र, पात्र ठरण्यासाठी नेपाळ आणि श्रीलंकेला चमत्काराची गरज आहे.

अशा परिस्थितीत भारताचा सामना बांगलादेश किंवा नेदरलँडशी होण्याची दाट शक्यता आहे. त्याचवेळी, सुपर-८ मध्ये, भारतीय संघ २४ जून रोजी सेंट लुसिया येथे २०२१ च्या चॅम्पियन ऑस्ट्रेलियाविरुद्ध शेवटचा सामना खेळेल. २०२३ च्या एकदिवसीय विश्वचषक फायनलचा बदला घेण्याची ही भारतीय संघासाठी महत्त्वाची संधी असेल. तसेच उपांत्य फेरी गाठण्याच्या दृष्टिकोनातून हा सामना महत्त्वाचा मानला जात आहे. दोन्ही संघांमध्ये चुरशीची स्पर्धा पाहायला मिळणार आहे. मिचेल मार्शच्या नेतृत्वाखालील ऑस्ट्रेलियन संघ ब गटात अव्वल स्थानी राहून सुपर-८ साठी पात्र ठरला आहे, परंतु त्याला ब-२ दर्जा देण्यात आला आहे.

१५५ जूनला भारत आपला शेवटचा साखळी गटातला सामना कॅनडा विरुद्ध खेळणार आहे. तर सुपर-८ मध्ये २० जून रोजी अफगाणिस्तान (संभाव्य संघ), २२ जून रोजी बांगलादेश किंवा नेदरलँड्स (संभाव्य संघ) आणि २४ जून रोजी ऑस्ट्रेलिया (संभाव्य संघ) यांच्या विरुद्ध खेळू शकतो.

*संवाद मिडिया*

🤵‍♀🤵‍♀🤵‍♀🤵‍♀🤵‍♀🤵‍♀🤵‍♀🤵‍♀🤵‍♀

*BCA प्रवेश प्रक्रिया 2024- 2025 सुरू*

महर्षी कर्वे स्त्री शिक्षण संस्थेचे
*महर्षी कर्वे महिला महाविद्यालय रत्नागिरी*.
एस.एन.डी. टी. महिला विद्यापीठ संलग्न

*BCA प्रवेश प्रक्रिया 2024- 2025*

बारावीनंतर बीसीए डिग्री कोर्स 2024-25 ऍडमिशन करिता आजच आपली नोंदणी खाली दिलेल्या लिंक वरती करावी .

https://forms.gle/3MAKqpBiCSpKYmB5A

कोणत्याही शाखेच्या( आर्ट्स /कॉमर्स/ सायन्स) , गणित किंवा गणित विषया शिवाय बारावी उत्तीर्ण विद्यार्थिनींना येथे प्रवेश मिळू शकतो.

*अधिक माहितीसाठी* 👇
*📲7972997567*
*📲9420274119*

या मोबाईल नंबर वरती संपर्क साधावा किंवा प्रत्यक्ष भेट द्यावी.

*पत्ता: महर्षी कर्वे स्त्री शिक्षण संस्थेचे महर्षी कर्वे महिला महाविद्यालय रत्नागिरी,साखरतर रोड, शिरगाव ,रत्नागिरी.*

*Advt Web link*
https://sanwadmedia.com/138548/
———————————————-
*संवाद मीडिया*
*वेबसाईट* : https://sanwadmedia.com/
*फेसबुक* : https://facebook.com/Snvadmedia
*चॅनेल* :https://youtube.com/c/sanvadmedia
=========================
*📱जाहिरात व बातम्यासाठी संपर्क*
*9421234663*