*जागतिक साहित्य कला व्यक्तित्व विकास मंचच्या सन्माननीय सदस्या ज्येष्ठ लेखिका कवयित्री विजया केळकर लिखित अप्रतिम काव्यरचना*
*देवदर्शन*
सख्या निघती मंदिरी
जपत नाम,चित्त पावन जयांचे
घेती प्रभाती प्रथम दर्शन
गणपती बाप्पा मोरयाचे….
मोसमी सुमने बहु बहरती
शृंगारिल्या आनंदे सर्व मूर्ती
जय गणेश,जय गजानन
ॐ गं गणपतयेनमः,जपे पूर्ती ….
मुखी वसे श्रीराम -जय श्रीराम
ब्रह्मचैतन्य सांगे नाम सार
भक्तीभावे बांधियेला साक्षात
परमात्मा निर्गुण निराकार ….
स्नान करता “हर गंगे” उच्चारती
शिवाभिषेके “ॐनमः शिवाय”
शेषशायीस सप्रेमे वंदन करुनी
“ॐ नमो भगवते वासुदेवाय” ….
विठ्ठल-विठ्ठल गात जावे
गाढ भक्ती हृदयांतरी
नित्य-एकादशीस भजावे
जय जय राम कृष्ण हरी ….
जय अंबे जयजय जगदंबे
ओटी भरती काव्यमाला अर्पून
विचारपुष्पे माळून कुंतली
चालू लागती क्षणभर विसावून ….
विजया केळकर_______
नागपूर
