विशाल परब यांच्या माध्यमातून फिरत्या विक्रेत्यांना छत्र्यांचे वाटप

नारायण राणे यांच्या विजयानंतर दिली भेट

सावंतवाडी

सावंतवाडी, दोडामार्ग, वेंगुर्ला या तीन तालुक्यातील भाजीपाला फळे तसेच अन्य वस्तू विकणाऱ्या फिरत्या विक्रेत्यांना तब्बल ५ हजार छत्र्यांचे वाटप करण्यात येणार आहे, अशी माहिती भाजपा युवा मोर्चाचे प्रदेश उपाध्यक्ष विशाल परब यांनी दिली. बुधवारी सावंतवाडी शहरात या छत्र्यांचे वाटप करण्यात आले.

भाजपा युवा मोर्चा प्रदेश उपाध्यक्ष विशाल परब यांनी सावंतवाडीतील सुमारे २०० हून अधिक व्यापाऱ्यांना छत्र्यांचे वाटप केले. कोकणचे भाग्यविधाते नारायणराव राणे यांचा दणदणीत विजय झाला, त्या विजयाप्रित्यर्थ भेट म्हणून या छत्र्या वाटण्यात आल्या. याबद्दल व्यापारी बंधू-भगिनींनी विशाल परब यांचे आभार मानले.

उन्हाळा, पावसाळा या ऋतूंमध्ये व्यापारी भाजीपाला तसेच इतर सुविधा आपल्याला उपलब्ध करून देत असतात. त्यांच्या संरक्षणासाठी एक मायेचे छत्र म्हणून युवा उद्योजक विशाल परब यांच्या माध्यमातून छत्रीचे वाटप करण्यात आले. या छत्र्यांवर भारताचे पंतप्रधान नरेंद्र मोदी, केंद्रीय मंत्री तथा नवनिर्वाचित खासदार नारायणराव राणे, जिल्ह्याचे पालकमंत्री रवींद्र चव्हाण आणि विशाल परब यांचा उल्लेख आहे.

त्यांच्या या उपक्रमाचे सर्व स्तरातून कौतुक करण्यात येत आहे.

या छत्री वाटप कार्यक्रम प्रसंगी माजी नगरसेवक राजू बेग, आनंद नेवगी, मनोज नाईक, सुधीर आरवडेकर, उत्कर्षताई रासोलकर, भाजपा सरचिटणीस विनोद सावंत, केतन आजगावकर, अमित गवंडकर, अमित परब, गणेश कुडव, सागर मठकर, शक्ति केंद्रप्रमुख बंटी जामदार, मंदार पिळवणकर, अजय सावंत आदी उपस्थित होते.