*जागतिक साहित्य कला व्यक्तित्व विकास मंचच्या सन्माननीय सदस्य ज्येष्ठ लेखिका कवयित्री उज्ज्वला सहस्त्रबुद्धे लिखित अप्रतिम काव्यरचना*

*गोपी -कृष्ण…*

नदीच्या काठावर,

झऱ्याच्या पाण्यात ,

निळाई अंगावर,

पांघरून संगत ….१

मनाला भुरळ,

घाली तो सतत!

देतोस तू जणू,

कृष्णसख्या साथ!….२

झाडांची सावली,

पाण्यात हिरवाई,

जळाच्या आरशात,

मोरपिसे कृष्णाई!…३

गोपी येती साथीला,

दंग झाल्या लीलेत,

कृष्णाच्या संगतीत,

धुंद होऊन नाचत!….४

रास रंगे गोकुळी ,

गोकुळ होई सुखी!

नवनीत देती गोपी,

कृष्णाच्या गोड मुखी.!…५

येई सांज सकाळ,

घेऊन रंग सोनेरी,

आनंद देई मला,

कृष्णाची बासरी!….६

उज्वला सहस्रबुद्धे, पुणे