*सातार्डे ते कवठणी रस्त्याचे काम निकृष्ट दर्जाचे*

*सामाजिक कार्यकर्ते सुधा कवठणकर यांनी दिला आंदोलनाचा इशारा*

सावंतवाडी

सावंतवाडी तालुक्यातील सातार्डे ते कवठणी रस्त्याचे काम अतिशय निकृष्ट दर्जाचे झाल्याने गावात तीव्र संताप व्यक्त केला जात आहे. रस्त्यालगत माती न टाकल्याने अवकाळी पावसातच हा रस्ता अपघातास निमंत्रण ठरणार आहे, याकडे सामाजिक कार्यकर्ते सुधा कवठणकर यांनी संवाद मीडियाचे लक्ष वेधले.
डांबरीकरण १किलोमीटर पर्यंत करण्यात आले. परंतू रस्त्याच्या कडेला माती न टाकल्यामुळे रस्ता खराब होऊन तिथे अपघात होऊ शकतो. सार्वजानिक बांधकाम विभागाच्या अभियंत्याचे जाणीवपूर्वक दुर्लक्ष होत असल्याचा आरोप ग्रामस्थांनी केला आहे.
पावसाळ्यापूर्वी रस्त्याचे काम योग्य पद्धतीने न झाल्यास आंदोलन छेडण्याचा इशारा सुधा कवठणकर यांनी दिला आहे