*जागतिक साहित्य कला व्यक्तित्व विकास मंचचे सन्मा सदस्य कवी अरुण वी देशपांडे लिखित अप्रतिम काव्यरचना*

।। जय गजानन । गण गण गणात बोते ।।

श्री गजानन विजय काव्यांजली काव्यपुष्प- ४४ वे

अध्याय – ८ वा , कविता – १ ली

—————————————-

श्री गणेशाय नमा : । श्री कुलदेवी- श्री कुलदेवता नमा: ।

श्री सद्गुरुवे नमा: । वंदन सर्वांना कवी अरुणदासाचे ।।१ ।।

प्रथम ते सप्तम अध्याय आरंभीचे । यातुनी जाणिले साचे। सार उपदेशांचे । स्वामी शब्द कल्याणाचे ।। २ ।।

अध्याय आरंभ आठवा । कथा भाग अनुभवावा । जाणुनी घ्यावा । भाव स्वामींच्या मनीचा ।। ३ ।।

पाटील-देशमुख मंडळी । बलवान, धनवान मंडळी ।

द्वेषापायी यांच्यात दुफळी । असे सदाची ।। ४ ।।

समाजाचे यात नुकसान । याचे ठेवावे भान । व्यर्थ असे

फुकाचे मान । वैर-भावना नसावी मनात ।। ५ ।।

पाटलांच्या शब्दांना धुडकावणे । देशमुखांच्या चाकराचे

बेबंद वागणे । पाटलाला अपमानित करणे । या कारणे

पाटलास क्रोधीत करणे । । ६ ।।

देशमुखांनी डाव हा टाकला । हेतू साध्य त्यांचा झाला ।

चाकराचा उपयोग केला । अडचणीत आणण्या पाटलास ।। ७ ।।

देशमुखांच्या या कुरापती । करुनि नाना उचापती ।

आणिली घोर आपत्ती । खंडू पाटलावरी ।। ८ ।।

अब्रू पाटलांची धोक्यात । बे-इज्जतीची भीती मनात ।

पाणी येई डोळ्यात । पाटील जाई शरण गजानाना ।। ९ ।।

—————————————–

क्रमशः

-कवी- अरुणदास- अरुण वि.देशपांडे-पुणे

—————————————–