नाशिक:
१०६ वर्षाची दैदीप्यमान परंपरा असलेल्या नाशिक शिक्षण मंडळाच्या व ६० वर्षे संस्काराचे बाळकडू देणाऱ्या नवीन मराठी शाळेच्या अखंडपणे चालू असणाऱ्या ज्ञानमंदिरात ज्ञानदानाच्या स्मृती समिधांचे अर्पण करून अधीक्षिका शिक्षिका सौ.सविता पांडुरंग कुलकर्णी या शनिवार दिनांक ०४ मे २०२४ रोजी सेवानिवृत्त होत आहेत.
सदरचा सेवापूर्ती सोहळा धामणकर सभागृह, पुरुषोत्तम इंग्लिश स्कूल नजीक, नाशिकरोड येथे शनिवार दिनांक ४ मे २०२४ रोजी सकाळी ठीक ०९.३० वाजता आयोजित करण्यात आला आहे. या सोहळ्यासाठी प्रमुख पाहुणे मा.डॉ.श्री अरुणजी कुलकर्णी, अध्यक्ष, विद्याभारती पश्चिम महाराष्ट्र प्रांत, मा.डॉ.श्री राजेंद्रजी कलाल, कार्याध्यक्ष ना. शि. प्र.मंडळ, नाशिक, मा.श्री.संजयजी खरोटे, शालेय समिती अध्यक्ष न. म. शाळा, नाशिकरोड आदी मान्यवर उपस्थित राहणार आहेत.
या सेवापूर्ती सोहळ्यासाठी सर्वांनी उपस्थित राहण्याचे आवाहन मुख्याध्यापिका सौ.मंगला गोविंद, नवीन मराठी शाळा व बालमंदिर, नाशिक रोड परिवार व श्री.पांडुरंग कुलकर्णी परिवारातर्फे करण्यात आले आहे.
