*जागतिक साहित्य कला व्यक्तित्व विकास मंचचे सन्मा सदस्य कवी अरुण वि.देशपांडे लिखित श्रीगोंदवलेकर महाराज काव्यचरितावली*

*काव्यपुष्प – ७६ वे*

—————————————–

“राममय “अवघे गोंदवले । रामनाम सर्वत्र दुमदुमले ।

श्रीमहाराजानी पटवले । महत्व नामाचे ।। १ ।।

नवख्याने इथे येता पाहिले । आश्चर्य तयांच्या मनी दाटले ।

त्यास दिसले । जन अवघे “रामभक्त ” ।। २ ।।

श्रीमहाराजांची किमया । भेटविती रामराया । मग जडे

भक्ती -माया । जनांची ।। ३ ।।

श्रीमहाराजांचे जीवन तत्व । राम नाम हे सत्व । अपार याचे महत्व । रुजविती सर्वांच्या मनात ।। ४ ।।

राममंदिर गोंदवल्याचे । जाहले ज्ञानपीठ भक्तीचे ।

इथे धडे भक्तीचे । शिकविती श्रीमहाराज ।। ५ ।।

नाना तऱ्हेचे, स्वभावाचे । वृत्तीचे, विचारांचे । भ्रष्ट मती- भ्रष्ट नियतीचे । असेही येती लोक ,महाराजांकडे ।। ६ ।।

तरी ही श्रीमहाराजांचे वागणे । बोलणे, सांगणे ।

समजावणे । एकसारखे असे सगळ्यांशी ।। ७ ।।

श्रीमहाराजांच्या मनी तळमळ । अंत:करणी कळकळ।

नसे त्यात मळ । भावना कल्याणकारी सर्वांसाठी ।। ८ ।।

***************************

करी क्रमशः लेखन कवी अरुणदास

—————————————–

-अरुण वि.देशपांडे-पुणे

————————————–