*जागतिक साहित्य कला व्यक्तित्व विकास मंच तथा साहित्य प्रेरणा कट्टा आजगावचे सदस्य कवी सोमा चंद्रकला चंद्रकांत गावडे लिखित अप्रतिम काव्यरचना*

*गृहिणी सर्वत्र पूज्यते*

ज्ञानाचे सर्व विवेक मार्ग

भूक शमनातून जातात |

भुकेल्याचे ब्रह्मज्ञान मार्ग

अन्नदान मार्गेच जातात ||१||

असे महत्कार्य जी करिते

ती गृहिणी अन्नपूर्णा आई |

घर प्रेमाचे बांधते पक्के

आरोग्या सकस अन्न देई ||२||

धुणीभांडी कपडालत्ताही

करि सुमने कामे अखंड |

तिचे मोल असे अनमोल

दिव्य कुणी जाणील अखंड ||३||

सफल कुटुंबाचीच चिंता

स्व तन मन अनंता चिंता |

ना कलह लाभे गृहशांती

याच अन्नपूर्णेस वंदिता ||४||

स्त्री मनी कोमल घरपण

सांभाळून हे मूल्य धरिणी

नच ती केवळ हो गृहिणी

ती अंतर्बाह्य शिव धारिणी ||५||

कवी :- श्री सोमा चंद्रकला चंद्रकांत गावडे.

फणसखोल, आसोली, ता.-वेंगुर्ला,

जि.-सिंधुदुर्ग, राज्य :- महाराष्ट्र.