*जागतिक साहित्य कला व्यक्तित्व विकास मंच तथा लालित्य नक्षत्रवेल समूह सदस्या ज्येष्ठ लेखिका कवयित्री सौ मंजिरी अनसिंगकर लिखित अप्रतिम अष्टाक्षरी रचना*

*(श्री गजानन विजय ग्रंथ)*

अध्याय सातवा

महाराज वर्णितात

योगशक्ती महिमान

कथा सातव्या अध्यायी

दंतकथा नाही जाण ||

हरि पाटील शेगांवी

मदमत्त सत्ताधारी

हेटाळणी करतसे

समर्थांची हा मंदिरी ||

कुस्ती खेळण्या आव्हान

हरि पाटलाने दिले

खाली बैसले समर्थ

उठवाया सांगितले ||

उठविण्या समर्थांना

केली हरिने शिकस्त

प्रयत्नांची पराकाष्ठा

असफल कसरत ||

हरि बंधु धांव घेती

समर्थांना देण्या मार

अट श्रीं पुढे ठेवली

वळ नको अंगावर ||

जैशा ओंब्या झोडतात

केले ऊसाचे प्रहार

वळ न उठले देही

झाला मोठा चमत्कार ||

ऊस पिळला हाताने

रस नव्हाळी मुलांना

योगशक्ती टिके सदा

तत्व सांगे हे लोकांना ||

योग शिकावा सर्वांनी

राष्ट्र होण्या बलवान

दृष्टी न वाकडी होई

सर्व करिती सन्मान ||

पुरातन असे शास्त्र

करा योग अंगिकार

स्वस्थ रहावे सर्वांनी

अध्यायाचे हेच सार ||

©️सौ.मंजिरी अनसिंगकर नागपूर.