*जागतिक साहित्य कला व्यक्तित्व विकास मंच तथा लालित्य नक्षत्रवेल समूहाच्या सन्मा. सदस्या ज्येष्ठ लेखिका कवयित्री सौ.मंजिरी अनसिंगकर लिखित अप्रतिम अष्टाक्षरी रचना*
अध्याय पहिला —
*गजानन विजय ग्रंथ*
माघ वद्य सप्तमीस
प्रगटले शेगावीस
अवलिया गजानन
जनहित साधण्यास ||
तपोबल मुखी दिसे
दृष्टी नासाग्रासी वसे
निजानंदी रंगलेला
अलौकिक संत असे ||
दामोदर नि बंकट
पाही प्रथम योग्यास
चित्ती संतोष पावता
हात जोडी वंदनास ||
उष्ट्या पत्रावळीतून
शिते वेची दयाघन
सांगे अन्न परब्रह्म
नित्य ठेवा आठवण ||
देवीदास विप्राने हो
ताट वाढूनी आणिले
कालविले सर्व अन्न
मुखी कवळ सेविले ||
पाणी पिऊन हाळाचे
वदे ब्रह्म चराचरी
सर्व रूपे ईशाचीच
गांठ बांधावी अंतरी ||
पहिल्याच अध्यायासी
दिली छान शिकवण
समर्थांनी सांगितले
नित्य स्मरावे आपण ||
©️®️
सौ.मंजिरी अनसिंगकर नागपूर.
