रुद्रनाद फाऊंडेशनतर्फे महाशिवरात्रीनिमित्त ‘रागोत्सव’!…

अनेक धार्मिक विधी, आध्यात्मिक कार्यक्रमांचे आयोजन…

मालवण

‘शिवक्षेत्र’, रुद्रनाद फाऊंडेशनतर्फे सावरवाड, वराड, चिकू सावली हॉटेल समोर, कसाल- मालवण रस्ता येथे महाशिवरात्रीचे निमित्ताने दिनांक ८ मार्च रोजी सायंकाळी ७ वाजता सुरांचा मनमुराद आनंद लुटण्यासाठी शास्त्रीय गायन – वादनाची मैफील ‘रागोत्सव’ आयोजित केली आहे.
शंभू महादेवांच्या साक्षीने, दैवी सुरांचा आनंद घेण्यासाठी सिंधुदुर्ग जिल्ह्यातील भक्तगण, समस्त ग्रामस्थ बंधू-भगिनींनी या कार्यक्रमाचा लाभ घ्यावा, असे आवाहन आयोजकांनी केले आहे. हा कार्यक्रम पूर्णपणे निःशुल्क आहे, तरी जिल्ह्यातील सर्व भक्तांनी याचा लाभ घ्यावा, असे आयोजकांनी दिलेल्या प्रसिद्धी पत्रकात म्हटले आहे.