कोलगावात विद्यमान ग्रामपंचायत सदस्या, शाखा प्रमुखासह असंख्य कार्यकर्त्यांचा भाजप मध्ये प्रवेश
सावंतवाडी
ग्रामपंचायत निवडणुकीचा रणसंग्राम सुरू झाला असतानाच भाजपने कोलगाव मध्ये शिवसेनेला मोठा धक्का दिला आहे. शिवसेनेच्या विद्यमान ग्रामपंचायत सदस्या संदेशा संदेश वेंगुर्लेकर व शिवसेना शाखा प्रमुख विजय सावंत यांनी भाजप जिल्हाध्यक्ष राजन तेली व जिल्हा सरचिटणीस महेश सारंग यांच्या उपस्थितीत भाजप मध्ये जाहीर प्रवेश केला आहे. यावेळी त्यांच्या सोबत असंख्य शिवसैनिकांनी भाजप मध्ये प्रवेश केला आहे. यावेळी माजी सरपंच राजन कुडतरकर , प्रभाकर राऊळ, सोसायटी चेअरमन चंदन धुरी, ग्राम सदस्य संदिप हळदणकर, संतोष राऊळ, संदेश टेमकर, सुरेश दळवी, फ्रॅकी डान्टस, संजय पाटणकर आदीं पदाधिकारी उपस्थित होते.
