*जागतिक साहित्य कला व्यक्तित्व विकास मंचच्या सन्माननीय सदस्या कवयित्री राधिका भांडारकर लिखित अप्रतिम काव्यरचना*
*रंग तुझा सावळा*
भुलवितो तुझा मला रंग हाच सावळा
वाटतो हवा हवा स्पर्श तुझा मोकळा। ध्रु।
वेड लावते नजर
चुंबनाते मन आतुर
भ्रुंग करी गुंजारव तुझ्याभोवती कमळा
वाटतो हवा हवा स्पर्श तुझा मोकळा १
सतेज तुझ्या गालावरी
एक खळी हास्यापरी
पाहता गालावरी तीळ काळा काळा
वाटतो हवा हवा स्पर्श तुझा मोकळा २
चांदण्या जणू हसल्या
कुंदकळ्या दंवातल्या
अंतरी पेटवी मन्मथाच्या झळा
वाटतो हवा हवा स्पर्श तुझा मोकळा ३
भुलवितो तुझा मला रंग हाच सावळा
वाटतो हवा हवा स्पर्श तुझा मोकळा ४
राधिका भांडारकर पुणे.
