मुंबई (गुरुदत्त वाकदेकर) :
लेखक काशिनाथ माटल यांच्या “खेळ मांडियेला नवा” या कथा संग्रहाला, नाशिकच्या साहित्यकणा फाउंडेशनच्या वतीने उत्कृष्ट कथा लेखनाबद्दल राज्यस्तरीय पुरस्कार प्रदान करण्यात आला. मानपत्र, स्मृतीचिन्ह देऊन त्यांचा गुणगौरव करण्यात आला. या पुस्तकाला मिळालेला हा तिसरा पुरस्कार आहे. नाशिक मधील नामवंत कादवा प्रतिष्ठानच्या वतीने नुकताच नोव्हेंबर २३ मध्ये याच पुस्तकाला उत्कृष्ट लेखनाबद्दल पुरस्कार मिळाला होता. तर जुलै महिन्यात याच कथासंग्रहाला राज्यस्तरिय पुष्परत्न पुरस्कार मिळाला होता.
