*जागतिक साहित्य कला व्यक्तित्व विकास मंचच्या सन्माननीय सदस्या ज्येष्ठ लेखिका कवयित्री मृणाल प्रभुणे लिखित अप्रतिम लावणी*
*थंडी*
लपेटून घेवू आता दोघात एक रजई
सोसवेना मजला आता थंडी ही बाई ..||धृ ||
इष्काची चूल आता पेटवा राया
उबदार करा हो सारी काया
साद घालूनी सांगते जवानी ही काई
सोसवेना मजला आता थंडी ही बाई …||१||
करते स्वाधीन सारा मोलाचा ऐवज
जाळ्यात आलंय तुमच्या अलगद सावज
प्रेमाच्या कारागिरीची आता दाखवा हो धिटाई
सोसवेना मजला आता थंडी ही बाई ..||२||
मधाचं पोवळं दिलं तुमच्याच हाती
चाखून पहावी थोडी त्यातली गोडी
लोण्यावाणी ही वितळून काया जाई
सोसवेना मजला आता थंडी ही बाई ..||३||
लपेटून घेवू आता दोघात एक रजई
सोसवेना मजला आता थंडी ही बाई ..||धृ ||
मृणाल प्रभुणे
नाशिक.
