सावंतवाडी :
रोणापाल येथील श्री देवी माऊलीचा वार्षिक जत्रोत्सव उद्या सोमवार २५ डिसेंबर रोजी साजरा होत आहे. त्यानिमित्त दिवसभर विविध धार्मिक व सांस्कृतिक कार्यक्रमांचे आयोजन करण्यात आले आहे. सकाळी श्रींची पूजाअर्चा व अभिषेक, त्यानंतर देवीची ओटी भरणे, केळी ठेवणे, नवस बोलणे – फेडणे आदी कार्यक्रमांना सुरुवात होईल. रात्री सवाद्य पालखी प्रदक्षिणा व त्यानंतर मध्यरात्री आरोलकर दशावतार मंडळाचा नाट्यप्रयोग होणार आहे. भाविकांनी सोहळ्याचा लाभ घ्यावा, असे आवाहन श्रीदेवी माऊली देवस्थान उपसमितीतर्फे करण्यात आले आहे.
